唇部護理同保養




點解個嘴係一年四季入面無論係春夏秋冬都有機會乾到甩皮呢?因為嘴唇係無皮脂膜保護,所以水分好容易蒸發走,令唇部容易乾燥。由於春天比較大風,夏天又經常留係冷氣地方,秋冬季天氣又乾燥,所以唇部護理係一年四季都要做架💋


第一:唔好用手撕去唇上既皮,因為如果咁做除咗會令雙唇顏色更暗沉外,仲有機會整傷個嘴,導致疼痛、流血,甚至會感染細菌。如果唇部乾裂,可以先用熱毛巾敷唇3-5分鐘左右,再用柔軟嘅刷或者毛巾輕力擦走死皮,最後記得搽上潤唇膏就可以啦。


第二:唔好經常舔唇,因為呢個動作只可以為唇部帶來短暫既濕潤,而且當口水被蒸發既時候會同時帶走唇部肌膚嘅水分,令嘴唇越來越乾,甚至會令唇部周圍嘅肌膚變得粗糙。


第三:化唇妝後,可以用成分溫和既唇部卸妝液落妝,避免用清潔力太強嘅產品刺激嘴唇。


第四:每星期需要做一次唇部去角質,建議沖涼之後做,同樣地可以用熱毛巾敷唇幾分鐘,再擦走死皮,之後再用護唇膜就可以啦。最最最緊要既一點係要多飲水,尤其係長期坐冷氣房工作既人,記住唔好口渴先去飲水呀,應該係以"少喝多次"既飲法就最為理想啦。

 

尖沙咀加拿分道4-4A利嘉大廈1601室
 

 營業時間

星期一 至 星期五 : 12pm - 9pm  

​​星期六 : 11am - 8pm  

© 2020 by SKIN 24  私隱政策